اسباب الفشل في تحقيق ارباح في CPA

Cat & dog

2:22 م

0 تعليقات

شاركه غرد جوجل +

السلام عليكم

الموضوع طويل شوية بس دسم

احتمال كبير ان يكون في سبب من الاسباب دي انت مخدش بالك منه ويكون هو سبب خسارتك او سبب لربح ضعيف تابع معي ....

اول سبب ياكبير ويعتبر من اهم الاسباب هو سرعة صفحة الهبوط

50% من زوار الموبايل هيسبو الصفحة بتاعتك بعد 4 ثواني فقط وبالنسبة للديسك توب 8 ثواني فقط فأنت متخيل معايا كمية الخسارة

تعرف سرعة الصفحة منين افضل حل علي الاطلاق هو من خلال جوجل انالتك من السلوك وبعدين تختار سرعة الموقع لان ده المقياش الادق للسرعة .

تاني حاجة من 

https://gtmetrix.com/

تالت حاجة من

https://testmysite.withgoogle.com

وهنا بيقس السرعة بسرعة 3g

طيب الحلول ايه

اولا لو انت شغال علي عروض وبتصمم صفحة الهبوط بنفسك ارفع الصفحة علي استضافة قوية ولازم يكون وقت server response time يكون منخفض جدا

2- الصفحة خليها html فقط بلاش جافا سكريبت لانها بتبقي اتقل حاجة

وبالنسبة لصفحة العرض نفسه بتاع المعلن لو صفحتو بتفتح في اكثر من 4 ثواني للموبايل متشتغلش علي العرض ده لانك في الغالب خسران كتير يا أما كسبان قليل

لكن هنا في خدعة ممكن تعملها 

انك تضمن صفحة العرض جوة صفحة الهبوط بتاعتك بحيث ان الزائر لما يقرأ الكلام بتاعك تكون صفحة العرض اتحملت

تقدر تعرف تعمل الخطوة دي من هنا

https://goo.gl/yiDhhr

ولو انت شغال افيليت مع المواقع الكبيرة فهما عارفين النقطة دي كويس وعاملين حسابهم

2- السبب التاني : ان يكون الزبون مش محتاج المنتج

ودي ببساطة مشكلة في استهدافك هنحلها في اخر البوست

وهنا في استثناء ان يكون الزبون مش عارف انه محتاج المنتج كمثال بس

لو رجعت 20 سنة وعرضت علي واحد موبايل اكيد هو هيقولك انا مش محتاجه لانه في الحالة دي ميعرفش حاجة عن المنتج

والحل هنا انك تعرف الزبون ان المنتج ده هيسهل حياته ازاي وده هيعتمد علي زاوية المنتج نفسه الي انت شغال عليها

3- الزبون معهوش فلوس

وهنا بردو مشكلة استهداف

وفي حل تاني انك تشتغل علي الاسعار المنخفضة جدا من دولار لحد 5 هتكسب قليل بس هتبيع كتير وده حل مناسب للي لسة بيبداء

4- الزبون مش واثق فيك

ودي افضل حل ليها social proof وانا كنت عاملت عليها بوست زمان بس دورت عليه مش لاقيه✋😅

ممكن تدور عليها هتلاقي ناس كاتبة فيها حاجات كتير

5- الزبون محتاج للمنتج بس هو مش مستعجل

ودي حلها تلعب ال bain and gain

المكسب والخسارة لو اشتري دلوقتي هيكسب ايه.... تخفيض مثلا لو ما اشتراش دلوقتي هيخسر ايه

6- العميل مش صاحب القرار

ودي كتيرة جدا ودي بردو مشكلة استهداف وفهم جيد للناس الي انت بتروج عرضك ليهم مثلا عندنا في مصر 50% النساء مش اصحاب القرار وحوالي 70% من الشريحة السنية من16 الي 21 مش اصحاب قرار

7- انك تكون عامل صفحة هبوط خاطئة

بمعني انك ممكن تكون مركز علي مواصفات المنتج او العرض بس او اي اخطاء تانية وتقدر تعرف الحاجات دي من البوست بتاعي ده

https://goo.gl/VgYwGv

دلوقتي دي اغلب الاسباب الي بتخلي الناس متشتريش المنتج بتاعك او تشترك في العروض بتاعتك

مشكلة الاستهداف دي لواحدها حاجة مش صغيرة ومينفعش اجمعها في بوس واحد بس

هديك افضل الحلول

افضل طريقة استهداف علي الاطلاق انا استخدمتها قريبة جدا من الطريقة الموجودة هنا

https://goo.gl/7Xufyh

وفي حاجة تاني تفرح بصراحة لمشكلة اكيد هتواجهك وهي ان الناس الي هتستهدفهم في صفحات مش موجودة في الاستهداف او audience insights

والمفرح في الموضوع ان الشخص الي بيشرحها هو شخص عربي وهو الصديق 

‏‎Omar Ibrahim

الشرح متعوب عليه بجد وشرح عالمي بصراحة تقدر تشوف الشرح ده من هنا 

https://goo.gl/ywd2im

اتمني ليكم مزيد من التوفيق

تقبلو تحياتي احمد سليم