غانشارك 100٪ شنو كنت كندير الاخوان (كنت؟ اه حيت مابقيتش في ايباي هادي 7 ولا 8 اشهر من بعد تقرييا 4 سنوات باش فتحت اول حساب ايباي)
غانهضر في الفقرة الاولى على كيفاش تلقا البروداكت والفقرة الثانية الى خدملك كيفاش تسكيليه يعني optimizih باش يجيب سيلز اكثر...
من ورا هاد البوسط الى مجبتيش سيلز شوف شي حرفة اخرى ... سالينا
- الطريقة الاولى : احسن طريقة كانت كتخدم ليا هي كنت كنقلب على منتجات مفاهمش اصلا لاش كتصلاح، غريبة هاد القضية ولكن الى فكرتي فيها منطقية كنت كنحاول نبعد من المنافسة حيت كرسي مثلا كلشي كيعرفو كلشي قادر يحطو ولكن شي اداة مثلا ديال صباغ ولا نجار ولا... مغيعرفها غير لي كايحتاجها، كتولي تلعب فنيتش صغير هكا كتكون منافسة قليلة وبروفيت كبير ...
- الطريقة الثانية : الخدمة ديال جوجل كييورد تول، بهاد الخدمة كنت كلقا بروداكت لي يلاه بداو كيديرو البوز واخر مثال هو ديك السبينر لي كانت دايرا البوز، عبدو ربه والله شاهد على ما اقول نهار طحت عليها كنت بين 3 دناس لي حاطينها فايباي كلو وكنا كنبيعوها ب 15 دولار + البروفيت فيها كبير... كيفاش لقيتها ؟ دخلت لبرنامج جوجل كييورد تول فالبلاصة فاش كتقلب بالكييورد متكتب والو سير الكاتگوري نيشان ختار اي كاتگوري كنت ختاريت toys وفي وقت البحث ختاريت اخر 3 اشهر درت الروشيرش وبانت ليا ديك السبينر خديت سميتها درتها في جوجل تراند لقيت لمنحنا ديالها طالع حطيتها في ايباي من نهارها بدات كتجيب ... نفس الشيء بالنسبة لديك لحوتة لي كطير فالهواء الى سبقلكم شفتوها كنت من الناس اللولين لي حطها فس ايباي .... الخ (لي مفهمش جوجل كييورد وجوجل تراند عليه بيوتيوب حيت منقدرش نشرحو هنا را بحر هداك)
- الطريقة الثالثة : يوتيوب كنكون متابع للناس لي كيديرو ريفيوز دير سبسكرايب وبقا ديما تابعهم عيواض متفرج ففلان رد على فرتلان ولا ديسك ديال حليوة ولا البنج ولا الزبل، تفرج فشي حاجة تنفعك باش تا المايندسيت ديالك تبدل... باركة ما نطلعو الزبل في التراندين (حشاكم)
- الطريقة الرابعة : المكملات ديال البروداكت، فالوقت لي تلونساو واحد اللعيبات كيخرج منهم البخار كيكونو فالدار ولا الطوموبيل تا هوما دارو البوز، خرجو زيوت برواىح مختلفة لي ممكن ديرهم فهادوك اللعيبات ويعطيو ريحة زوينا في الدار، الناس كلهم ناضو كيبيعو هادوك اللعيبات الا القليل لي فكر يبيع دوك الزيوت كنت منهم، وهادو هما لي كنسميهوم مكملات البروداكتس، نيغا ثينك اوتسايد دو البوكس...
- الطريقة الخامسة : شوف اخر المنتجات لي خارجين للسوق، ساهلا هادي سير دخل سطور ديال اي سيلر وختار فلفيلتر new arrival غايعطيك منتجات يلاه ليستاهم
الطريقة السادسة : شوف المنافسين اش كايبيعو، صراحة مخاصنيش نقول هادي حيت معانا ناس عقلهم مزال مبرهش واش اصاحبي مغربي بحالك بحالو عايش فبلاد النم تنوض تنقل البروداكتس ديالو ؟؟ ماشي رجلة صراحة على الاقل شوف ميريكاني بريطاني طايواني هادوك على الاقل كتلقاهم خدامين برة، اما مغربي اصاحبي ناضو البنات عمرو الخدما ليه شوية جاو عوازة من افريقيا دار ليهم الملك لاكارط ناسيونال وزادو تا هوما ازمو الامور تجي نتا تنقل بروداكتس لي تقاتل عليهم ؟ ايوا لا الدراري كبرو شوية الله ينوركم سير نقل من ميريكاني، نقل من شينوي اصاحبي بعد من مغربي را غاتدي دنوبو هههه. ( الاخوات متقلقوش على هضرتي حيت هدا هو المعقول، الخدما قليلة وبنادم مزاحم وطبعا من حقكم)
الطريقة السابعة : هي الطريقة لي دار رامي عزت ديال امازون شوفوها في الفيديوز ديالو...
الطريقة الثامنة : تشوف بروداكتس من البلاد ديالك، غير هو الى غاتمش فهاد المجال شوف بروداكتس لي تقدر تبيعهم ب 70 دولار فما فوق حيت الشحن غالي ...
الطريقة التاسعة : شوف اشهارات ديال الفنانة والمغنيين الكبار ولي معند بوهم تا حرفة وملعقين بحال كيم كارداشيان، شوف منتجات لي كيديرو ليهم اشهار، ماشي تبيعهم هما لا شوف منتجات لي عندهم صلة بهادوك المنتجات لي كيبيعو.
- الطريقة العاشرة والاخيرة : متركزش على امريكا بوحدها، تسركل فمواقع الشويينج ديال بريطانيا و المانيا را تا هما كيشرييييو ... استراليا كندا، بعد غير من فرنسا حيت فرنسا من اكثر المواقع لي كيتسركلو فيهم الفرنسيين هو علي اكسبريس....
غانخليو الأوپتيميزاسيون ديال المنتجات لي جابو سيلز تال من بعد...
اسئلة :
- واش هادشي تعلمتيه فشي دورة ؟ لا هادشي عصرت دماغي باش جبتو، الى بغيتي دورة شوف شي حاجة جديد وحصرية وما فبالي والو هاد الساعة حيت مبقيتش فايباي.
- مفهمتش الطريقة x ? هاد السؤال سولو فكومنت ماشي فبريفي خويا ونحاول نشرح كتر باش تا ناس يستافدو
- علاش خويتي ايباي ؟ سبقلي قلت بلي ايباي ماشي شي حاجة تعول عليها للابد، دير راس المال ودير براند ديالك.
- واش هادشي ينفع في شوبيفاي ؟ اكيد هادشي ينفع في شوبيفاي
الى عندك شي سؤال مرحبا ديرو فكوووووووومنت والله ينوركم الدراري خدمو عقلكم شوية وخدمو يوتيوب وجوجل وماتنقلوش من مغاربة متزيدوش تقهروهوم كيما مقهورين ....
P.s : كاين لي كيسول على شحال كنت كنضرب وخا مفهمتش هاد السؤال علااااااش وفاش غايفيدك ومتقوليش موتيفاسيون حيت الى كان هادشي هو لي ايموتيفيك عرف راسك مغادير واااااالوووو ونبصملك عليها، ولكن هاد الصورة فيها الفيز ديال بايبال فاخر شهر مع ايباي، خدم شوية دلماط وتعرف التورناوڤر
طبعا مسموح تبارطاجي مع دكر المصدر...
0 التعليقات لموضوع "السؤال لي محير 99٪ كيفاش لقا الوينين بروداكت ؟"
الابتسامات الابتسامات